അടൂര്‍ ഗോപാലകൃഷ്ണനെയും യേശു?ദാസിനെയും അധിക്ഷേപിച്ച് പോസ്റ്റിട്ടതില്‍ മാപ്പ് പറഞ്ഞ് നടന്‍ വിനായകന്‍. ഫെയ്‌സ്ബുക്കിലൂടെ ‘മാപ്പ് എന്ന്’ മാത്രമാണ് വിനായകന്‍ കുറിച്ചിരിക്കുന്നത്. കഴിഞ്ഞ ദിവസങ്ങളിലാണ് അടൂരിനെയും യേശുദാസിനെയും അധിക്ഷേപിക്കുന്ന തരത്തില്‍ വിനായകന്‍ പോസ്റ്റ് പങ്കുവച്ചത്.
ഇതിന് പിന്നാലെ വിനായകനെതിരെ വന്‍ വിമര്‍ശനവും ഉയര്‍ന്നിരുന്നു. ഗായകന്‍ ജി വേണുഗോപാലും വിനായകനെ വിമര്‍ശിച്ച് രംഗത്തെത്തിയിരുന്നു. സ്ത്രീകള്‍ ‘ജീന്‍സോ, ലെഗിന്‍സോ ഇടുന്നതിനെ അസഭ്യമായി ചിത്രീകരിച്ച യേശുദാസ് പറഞ്ഞത് അസഭ്യമല്ലേ?, സിനിമകളിലൂടെ സ്ത്രീ ശരീരത്തെ അസഭ്യനോട്ടം നോക്കിയ ആളല്ലേ അടൂര്‍ ?.
സംസ്‌കൃതത്തില്‍ അസഭ്യം പറയുന്നവരോട് പച്ച മലയാളത്തില്‍ തിരിച്ചു പറയുന്നത് അസഭ്യമാണെങ്കില്‍ അത് തുടരുക തന്നെ ചെയ്യും’.- എന്നാണ് വിനായകന്‍ ഇന്നലെ ഫെയ്‌സ്ബുക്കില്‍ കുറിച്ചത്.
പട്ടികജാതി- വര്‍ഗ വിഭാഗങ്ങളിലെ സംവിധായകരെയും സ്ത്രീ സംവിധായകരെയും അധിേക്ഷപിക്കും വിധം സിനിമാ കോണ്‍ക്ലേവില്‍ അടൂര്‍ ?ഗോപാലകൃഷ്ണന്‍ നടത്തിയ പ്രസ്താവന വിവാദമായിരുന്നു. ഇതിന് പിന്നാലെയാണ് അടൂരിനെ വിമര്‍ശിച്ച് വിനായകന്‍ രം?ഗത്തെത്തിയത്.
