എ പത്മകുമാറിനെ എസ് ഐ ടി കസ്റ്റഡിയില് വിട്ടു
ശബരിമല സ്വര്ണക്കൊള്ളയില് തിരുവിതാകൂര് ദേവസ്വം മുന് പ്രസിഡന്റ് എ പത്മകുമാര് പ്രത്യേക അന്വേഷണ സംഘത്തിന്റെ കസ്റ്റഡിയില് വിട്ടു. രണ്ടു ദിവസത്തേക്കാണ് കസ്റ്റഡിയില് വിടാന് കൊല്ലം വിജിലന്സ് കോടതി ഉത്തരവിട്ടത്. നാളെ വൈകിട്ട് 5 മണിവരെയാണ് കസ്റ്റഡി.അതിന് ശേഷം കോടതിയില് ഹാജരാക്കണം. പത്മകുമാറിന് നേരെയുള്ള പ്രതിഷേധം കണക്കിലെടുത്ത് കോടതി പരിസരത്ത് സുരക്ഷാ ക്രമീകരണങ്ങള് ഒരുക്കിയിരുന്നു. കോടതിയ്ക്ക് പുറത്ത് പ്രതിഷേധവുമായി ബി ജെ പി കോണ്ഗ്രസ് പ്രവര്ത്തകര് എത്തി. സ്വര്ണക്കൊള്ളയില് മുഖ്യ സൂത്രധാരന് എ പത്മകുമാറാണെന്നും കസ്റ്റഡിയില് എടുത്തുള്ള ചോദ്യം ചെയ്യല് അനിവാര്യമാണെന്നും എസ് ഐ ടി കോടതിയില് വാദിച്ചിരുന്നു.
പല തവണ നോട്ടീസ് നല്കിയെങ്കിലും ചോദ്യം ചെയ്യലിന് ഹാജരായില്ല. ഇത് നിസ്സഹകരണത്തെ വ്യക്തമാക്കുന്നതാണ്. വിദേശത്തടക്കം പത്മകുമാര് യാത്ര ചെയ്തിട്ടുണ്ട്, ഇതുമായി ബന്ധപ്പെട്ട വിവരങ്ങള് ലഭിക്കണമെങ്കില് അദ്ദേഹത്തെ ചോദ്യം ചെയ്യേണ്ടത് അനിവാര്യമാണെന്നും. അന്വേഷണ ഉദ്യോഗസ്ഥനായ എസ പി ശശിധരന് ഉള്പ്പടെയുള്ളവര് കോടതിയില് എത്തിയിരുന്നു. വൈദ്യപരിശോധന പൂര്ത്തിയാക്കിയ ശേഷം തിരുവനന്തപുരത്തേക്ക് പത്മകുമാറിന്റെ കൊണ്ടുപോകും.
