ചെക്ക് കേസുകളില് മാണി സി കാപ്പന് എംഎല്എയ്ക്ക് ഒരുവര്ഷം തടവ്. മുംൈബ ബോറിവിലി കോടതിയുടെതാണ് ഉത്തരവ്. കണ്ണൂര് വിമാനത്താവളത്തില് ഓഹരി പങ്കാളിത്തം വാഗ്ദാനം ചെയ്ത് പണം തട്ടിയെന്ന് പ്രവാസി വ്യവാസായിയുടെ പരാതിയിലടക്കം നാല് കേസുകളിലാണ് കുറ്റക്കാരനാണെന്ന് കണ്ടെത്തിയത്. ശിക്ഷ ഒരുവര്ഷമായതിനാല് എംഎല്എ സ്ഥാനത്തിന് അയോഗ്യതയുണ്ടാവില്ല.
കാബിനറ്റ് പദവിയിലേക്ക് അടക്കം പരിഗണിക്കുന്ന മാണി സി കാപ്പനെതിരെയാണ് ഇപ്പോള് മുംബൈ കോടതി ശിക്ഷ വിധിച്ചത്. 2015 മുതല് നടക്കുന്ന നിയമവ്യവഹാരത്തിന്റെ ഭാഗമാണിത്. ഓഹരി നല്കാമെന്ന് മൂന്ന് കോടിയലധികം രൂപ തട്ടിയെടുത്തെന്നാണ് പരാതി. എറണാകുളം മജിസ്ട്രേറ്റ് കോടതിയിലുള്പ്പടെ നേരത്തെ രജിസ്റ്റര് ചെയ്തെങ്കിലും ഹൈക്കോടതിയിലെത്തിയ ശേഷം കേസിന്റെ നടപടി ക്രമങ്ങള് മുന്നോട്ടുപോയിരുന്നില്ല. തുടര്ന്ന് മുംബൈ വ്യവാസായിയായ ദിനേശ് മേനോന് ബോറിവാലി കോടതിയെ സമീപിക്കുകയായിരുന്നു
