ദില്ലി: കേരളത്തിലെ പുതിയ മുഖ്യമന്ത്രിയെ തീരുമാനിക്കാനുള്ള ചർച്ചകളിൽ കെ.സി. വേണുഗോപാലിന്റെ പേരിനാണ് നിലവിൽ മുൻതൂക്കം. മുഖ്യമന്ത്രി പ്രഖ്യാപനം ഇന്നോ നാളെയോ ഉണ്ടാകുമെന്നാണ് സൂചന. മല്ലികാർജുൻ ഖർഗെയും രാഹുൽ ഗാന്ധിയും തമ്മിൽ നടത്തിയ ചർച്ചകളിൽ ഇക്കാര്യത്തിൽ ധാരണയായതായാണ് വിവരം.
- ഉപമുഖ്യമന്ത്രി പദമില്ല: മുഖ്യമന്ത്രിക്ക് പുറമെ മറ്റ് ഗ്രൂപ്പ് സമവാക്യങ്ങൾ പരിഗണിച്ച് ഉപമുഖ്യമന്ത്രി സ്ഥാനം നൽകേണ്ടതില്ലെന്ന് ഹൈക്കമാൻഡ് തീരുമാനിച്ചു.
- ഘടകകക്ഷികളുടെ നിലപാട്: മുഖ്യമന്ത്രിയെ തീരുമാനിക്കാനുള്ള അധികാരം കോൺഗ്രസിന് വിട്ടുനൽകിയതായും ആരെ തീരുമാനിച്ചാലും എതിർപ്പില്ലെന്നും യു.ഡി.എഫ് ഘടകകക്ഷികൾ നേതൃത്വത്തെ അറിയിച്ചിട്ടുണ്ട്.
- പ്രഖ്യാപന രീതി: മുഖ്യമന്ത്രിയെ ദില്ലിയിൽ വെച്ച് പ്രഖ്യാപിക്കണോ അതോ കേരളത്തിൽ നിയമസഭാകക്ഷി യോഗം വിളിച്ച് തീരുമാനിക്കണോ എന്ന കാര്യത്തിൽ ആലോചനകൾ തുടരുകയാണ്. ദില്ലിയിലാണെങ്കിൽ എ.ഐ.സി.സി അധ്യക്ഷനോ രാഹുൽ ഗാന്ധിയോ ആയിരിക്കും പ്രഖ്യാപനം നടത്തുക.
