ഡോ. പി. സരിനെതിരെ തിരഞ്ഞെടുപ്പ് കമ്മീഷന് പരാതി; ഔദ്യോഗിക പദവി ദുരുപയോഗം ചെയ്തെന്ന് ആക്ഷേപം; സ്ട്രാറ്റജിക് അഡൈ്വസര് സ്ഥാനത്ത് നിന്ന് നീക്കാൻ ആവശ്യം
തിരുവനന്തപുരം: മാതൃക പെരുമാറ്റ ചട്ടം ലംഘിച്ചുവെന്ന് ചൂണ്ടിക്കാണിച്ച് ഡോ. പി സരിനെതിരെ പരാതി. സേവ് യൂണിവേഴ്സിറ്റി ക്യാംപയിന് കമ്മിറ്റിയാണ് തെരഞ്ഞെടുപ്പ് കമ്മീഷന് പരാതി നല്കിയത്. നിലവില് കെ-ഡിസ്ക് സ്ട്രാറ്റജിക് അഡൈ്വസര് ആണ് പി സരിന് പെരുമാറ്റ ചട്ടം ലംഘനം നടത്തിയെന്നും ഔദ്യോഗിക പദവിയില് നിന്ന് ഉടന് നീക്കണമെന്നുമാണ് ആവശ്യം. സരിന്റെ വിവാദ സോഷ്യല് മീഡിയ പോസ്റ്റുകള് അടക്കമാണ് പരാതി നല്കിയത്. ചീഫ് ഇലക്ടറല് ഓഫിസര് വഴിയാണ് പരാതി നല്കിയത്.
‘കെ-ഡിസ്ക് സ്ട്രാറ്റജിക് അഡൈ്വസര് ഡോ. പി. സരിന്, പ്രതിമാസം 80,000 രൂപ ശമ്പളവും ഔദ്യോഗിക വാഹനമുള്പ്പെടെയുള്ള സൗകര്യങ്ങളും കൈപ്പറ്റുന്ന വ്യക്തിയാണ്. കൂടാതെ, അദ്ദേഹത്തിന്റെ വാഹന ആവശ്യങ്ങള്ക്കായി മാസം തോറും 88,000 രൂപ സെന്റര് ഫോര് മാനേജ്മെന്റ് ഡെവലപ്മെന്റിന് (CMD) കെ-ഡിസ്ക് നല്കി വരുന്നു. കെ-ഡിസ്കിലെ കരാര് ജീവനക്കാര് ഉള്പ്പെടെയുള്ള എല്ലാ ഉദ്യോഗസ്ഥരും രാഷ്ട്രീയ നിഷ്പക്ഷത പാലിക്കണമെന്നും സോഷ്യല് മീഡിയയില് രാഷ്ട്രീയ ഉള്ളടക്കങ്ങള് പങ്കുവെക്കരുതെന്നും കര്ശന നിര്ദേശമുണ്ട്.
Violation of code of conduct; complaint filed against Sarin to Election Commission
‘പരസ്യ സംവാദത്തിന് റെഡി, ഒരു കണ്ടീഷന് മാത്രം’; എം ബി രാജേഷിന്റെ വെല്ലുവിളി ഏറ്റെടുക്കുന്നതായി വി ടി ബല്റാം
ഔദ്യോഗിക വാഹനവും മറ്റ് ആനുകൂല്യങ്ങളും കൈപ്പറ്റുന്ന ഉദ്യോഗസ്ഥന് രാഷ്ട്രീയ പ്രചരണങ്ങളില് ഏര്പ്പെടുന്നത് സര്ക്കാര് സംവിധാനങ്ങളുടെ ദുരുപയോഗമാണ്. പെരുമാറ്റച്ചട്ടം ലംഘിച്ച ഡോ. പി സരിനെതിരെ അച്ചടക്ക നടപടി സ്വീകരിക്കണം. അദ്ദേഹത്തിന്റെ സോഷ്യല് മീഡിയ അക്കൗണ്ടുകളില് നിന്ന് രാഷ്ട്രീയ ഉള്ളടക്കമുള്ള പോസ്റ്റുകള് നീക്കം ചെയ്യാന് സംസ്ഥാന പൊലീസ് മേധാവിക്ക് നിര്ദ്ദേശം നല്കണമെന്നുമാണ് പരാതിയിലെ ആവശ്യം.
