നിയമസഭാ തിരഞ്ഞെടുപ്പിലേക്കുള്ള സ്ഥാനാർഥികളെ പ്രഖ്യാപിച്ച് ആർഎസ്പി. ചവറയിൽ പാർട്ടി സംസ്ഥാന സെക്രട്ടറി ഷിബു ബേബി ജോൺ വീണ്ടും മത്സരിക്കും. കുന്നത്തൂരിൽ ഉല്ലാസ് കോവൂരും ഇരവിപുരത്ത് അഡ്വ. വിഷ്ണു മോഹനും ആറ്റിങ്ങലിൽ സന്തോഷ് ഭദ്രനും മത്സരിക്കും.
4 സീറ്റുകളിൽ സ്ഥാനാർഥികളെ പ്രഖ്യാപിച്ചു, അഞ്ചാമത്തെ സീറ്റിനെകുറിച്ച് ചർച്ചകൾ നടക്കുന്നുവെന്ന് ഷിബു ബേബി ജോൺ 24 നോട് പറഞ്ഞു.മട്ടന്നൂരിന് പകരം കാഞ്ഞങ്ങാട് ചോദിച്ചിട്ടുണ്ട്. ചർച്ചകൾ പുരോഗമിക്കുന്നു. അഞ്ചാമത്തെ സീറ്റിലേക്കും സ്ഥാനാർഥികളെ തീരുമാനിച്ചു കഴിഞ്ഞു. സീറ്റിൽ ധാരണയായാൽ ഉടൻ പ്രഖ്യാപനം ഉണ്ടാകും. കൊല്ലം ജില്ലയിൽ മൂന്ന് സീറ്റിലും വിജയിക്കുകയാണ് പാർട്ടിയുടെ ലക്ഷ്യമെന്നും അദ്ദേഹം വ്യക്തമാക്കി.
ആറ്റിങ്ങലിൽ UDF ന് അപ്രതീക്ഷിത മുന്നേറ്റം ഉണ്ടാകും. പ്രഗൽഭനായ വ്യക്തിയാണ് ആറ്റിങ്ങലിൽ RSP യുടെ സ്ഥാനാർത്ഥി. മോദിയുടെ പരിപാടി അവസാനിക്കുന്ന പിറ്റേന്ന് തെരഞ്ഞെടുപ്പ് പ്രഖ്യാപനം ഉണ്ടാകുന്നു, അതാണ് പതിവ്.തിരഞ്ഞെടുപ്പ് തീയതി പ്രഖ്യാപനത്തെക്കുറിച്ച് BJP ക്കും LDF നും നേരത്തെ അറിവുണ്ടായിരുന്നു. എൽഡിഎഫും ബിജെപിയും തമ്മിൽ വോട്ട് ധാരണയുണ്ട്. മണ്ഡലങ്ങൾ നോക്കി ബിജെപി വോട്ടുകൾ എൽഡിഎഫിലേക്ക് ഷിഫ്റ്റ് ചെയ്യുന്നു.
ചവറയിൽ ഒന്നും പ്രവചിക്കുന്നില്ല.കഴിഞ്ഞതവണ ചവറയിൽ എൽഡിഎഫ് നടത്തിയത് അരാഷ്ട്രീയ പോരാട്ടം. അരിവാൾ ചുറ്റികയിൽ ഒരാളെ നിർത്തി ചവറയിൽ യുഡിഎഫിനെ പരാജയപ്പെടുത്താൻ എൽഡിഎഫിന് ശേഷിയില്ല. ഇരവിപുരത്തെ തർക്കങ്ങൾ കഴിഞ്ഞ മാസം 27 ആം തീയതി തന്നെ അവസാനിച്ചു. ഇരവിപുരത്തിന് ലഭിച്ചത് മികച്ച സ്ഥാനാർത്ഥി എന്ന് ഒറ്റക്കെട്ടായി പറയുന്നുവെന്നും ഷിബു ബേബി ജോൺ കൂട്ടിച്ചേർത്തു.
