പേരാവൂരില് മത്സരിക്കാന് കെ കെ ശൈലജ
കണ്ണൂര്: നിയമസഭ തെരഞ്ഞെടുപ്പില് മുന് ആരോഗ്യമന്ത്രി കെ കെ ശൈലജ പേരാവൂരില് നിന്ന് മത്സരിക്കും. പേരാവൂരില് മത്സരിക്കാന് ശൈലജ സന്നദ്ധത അറിയിച്ചു. മട്ടന്നൂരില് സീറ്റ് കിട്ടില്ലെന്ന ഉറപ്പായതോടെയാണ് പേരാവൂരില് മത്സരിക്കാന് ശൈലജ സന്നദ്ധത അറിയിച്ചത്. സി പി എം കണ്ണൂര് ജില്ലാ സെക്രട്ടറിയേറ്റ് സ്ഥാനാര്ത്ഥി പട്ടിക അംഗീകരിച്ചു. തളിപ്പറമ്പില് പി കെ ശ്യാമളയും മത്സരിക്കും.
മട്ടന്നൂരിലെ സ്ഥാനാര്ത്ഥി പട്ടികയില് നിന്ന് ഒഴിവാക്കപ്പെട്ട കെ കെ ശൈലജയെ യുഡിഎഫിന്റെ കൈവശമുള്ള പേരാവൂര് മണ്ഡലം തിരിച്ചുപിടിക്കാന് സണ്ണി ജോസഫിനെതിരെ കളത്തിലിറക്കാനാണ് സിപിഎമ്മിന്റെ നീക്കം. നിലവില് മട്ടന്നൂര് എംഎല്എയായ ശൈലജയെ മാറ്റി അവിടെ ഡിവൈഎഫ്ഐ സംസ്ഥാന സെക്രട്ടറി വി കെ സനോജിനെ മത്സരിപ്പിക്കാനാണ് ജില്ലാ കമ്മിറ്റിയുടെ തീരുമാനം. നിയമസഭ തെരഞ്ഞെടുപ്പില് മട്ടന്നൂരിലെ സ്ഥാനാര്ത്ഥിത്വത്തില് നിന്ന് ഒഴിവാക്കിയതില് കെ കെ ശൈലജയ്ക്ക് അതൃപ്തി ഉണ്ടെന്ന് വാര്ത്തകള് പുറത്ത് വന്നിരുന്നു. മട്ടന്നൂരില് നിന്ന് മാറ്റിയത് എന്തിനെന്ന് സംസ്ഥാന സെക്രട്ടേറിയറ്റിന് മുന്നില് കെ കെ ശൈലജ ചോദിച്ചിരുന്നു. രണ്ട് തവണ മത്സരിച്ചവര് സ്ഥാനാര്ത്ഥി പട്ടികയില് ഉണ്ടല്ലോ എന്നായിരുന്നു കെ കെ ശൈലജയുടെ ചോദ്യം.
