Kerala
പക്ഷിപ്പനി: ആലപ്പുഴയില് കോഴി വിഭവങ്ങളുടെ വിപണനം തടഞ്ഞു
ആലപ്പുഴ: ആലപ്പുഴയില് പക്ഷിപ്പനി ഭീഷണിയുടെ പശ്ചാത്തലത്തില് കോഴി വിഭവങ്ങളുടെ വിപണനം തടഞ്ഞു. ഫുഡ് സേഫ്റ്റി ആന്റ് സ്റ്റാന്റേഡ്സ് അതോറിറ്റി ഇന്ത്യ(എഫ്എസ്എസ്എഐ)യുടെ നടപടിക്കെതിരെ ഹോട്ടല് ഉടമകള് രംഗത്തെത്തി. ഈമാസം 30 മുതല് ഹോട്ടലുകള് അടച്ചിടുമെന്ന് ഉടമകളുടെ മുന്നറിയിപ്പ്.
ഹോട്ടലുകളില് ഭക്ഷണം കഴിക്കാന് എത്തിയവരെ ഉദ്യോഗസ്ഥര് ഇറക്കി വിട്ടതിന് പിന്നാലെയതാണ് പ്രതിഷേധവുമായി ഹോട്ടല് ഉടമകള് രംഗത്തെത്തിയത്. എഫ്എസ്എസ്എഐ നടപടി മുന്നറിയിപ്പ് ഇല്ലാതെയെന്ന് ഹോട്ടലുടമകള് പറയുന്നു. ഈ മാസം 30 മുതല് ഹോട്ടലുകള് അടച്ചിടാനാണ് ഹോട്ടലുടമകളുടെ തീരുമാനം. നിലവില് ജില്ലയില് താറാവില് മാത്രമാണ് പക്ഷിപ്പനി സ്ഥിരീകരിച്ചത്.
