Kerala
അതിജീവിതക്കെതിരെ അപവാദപ്രചരണ നടത്തിയ ഒരാള് കൂടി അറസ്റ്റില്
നടിയെ ആക്രമിച്ച കേസിലെ അതിജീവിതക്കെതിരായ അപവാദ പ്രചരണത്തില് സാമൂഹ്യമാധ്യമങ്ങളില് വീഡിയോ പ്രചരിപ്പിച്ച മറ്റൊരാള് കൂടി അറസ്റ്റില്. സോഷ്യല് മീഡിയ പേജിന്റെ അഡ്മിനായ വയനാട് സ്വദേശിയാണ് അറസ്റ്റിലായത്. കേസില് കര്ശന നടപടി തുടരുമെന്നും 200 ല് അധികം അക്കൗണ്ടുകള് നിരീക്ഷണത്തിലാണന്നും പൊലീസ് വ്യക്തമാക്കി.
ഇരുന്നൂറിലേറെ സൈറ്റുകളിലും പ്ലാറ്റ്ഫോമുകളിലും വീഡിയോ പ്രചരിച്ചതായി അന്വേഷണത്തില് തെളിഞ്ഞു. വീഡിയോ ഷെയര് ചെയ്ത ലിങ്കുകളും സൈറ്റുകളും പൊലീസ് നശിപ്പിച്ചിട്ടുണ്ട്. കേസിലെ വിധിക്ക് ശേഷം വ്യാപകമായി പ്രചരിച്ച വീഡിയോ അതിജീവിതയെ അപകീര്ത്തിപ്പെടുത്തുന്നതും നിയമവിരുദ്ധവുമാണെന്ന് പൊലീസ് ചൂണ്ടിക്കാട്ടിയിരുന്നു. അതിജീവിതയുടെ സ്വകാര്യത ലംഘിക്കുന്ന ഇത്തരം പ്രവൃത്തികള് കടുത്ത ശിക്ഷയര്ഹിക്കുന്ന കുറ്റമാണെന്നും പോലീസ് മുന്നറിയിപ്പ് നല്കി.
