ശബരിമല തിരക്ക്: മുഖ്യമന്ത്രി വിളിച്ച യോഗത്തില് വാക്പോര്; എ.ഡി.ജി.പിയും ദേവസ്വം പ്രസിഡന്റും രണ്ട് തട്ടില്
തിരുവനന്തപുരം: ശബരിമലയില് അയ്യപ്പഭക്തര് നേരിടുന്ന പ്രശ്നങ്ങള് പരിഹരിക്കുന്നതിനായി മുഖ്യമന്ത്രി വിളിച്ച യോഗത്തില് വാക്പോര്. എ.ഡി.ജി.പിയും ദേവസ്വം ബോര്ഡ് പ്രസിഡന്റും തമ്മിലായിരുന്നു തര്ക്കം. തീര്ത്ഥാടകരുടെ എണ്ണത്തില് ദേവസ്വം ബോര്ഡ് കള്ളക്കണക്ക് പറയുകയാണെന്ന് എ.ഡി.ജി.പി എം.ആര് അജിത്കുമാര് കുറ്റപ്പെടുത്തി.
ഒരു മിനിറ്റില് 60 പേരെ മാത്രമേ പതിനെട്ടാം പടി കയറ്റാന് പറ്റുകയുള്ളൂവെന്നും അദ്ദേഹം പറഞ്ഞു. 75 നു മുകളില് കയറ്റിയിട്ടുണ്ടെന്ന് ദേവസ്വം പ്രസിഡന്റ് പി.എസ് പ്രശാന്ത് തിരിച്ചടിച്ചു.
മുഖ്യമന്ത്രി വിളിച്ച യോഗത്തില് എ.ഡി.ജി.പി നടത്തിയ പ്രസ്താവന തിരുത്തണമെന്ന് പ്രസിഡന്റ് ആവശ്യപ്പെട്ടു. തര്ക്കത്തില് മുഖ്യമന്ത്രി ഇടപെട്ടു. നമ്മള് യോഗം ചേരുന്നത് ഏകോപനത്തിന് വേണ്ടിയാണെന്ന് പിണറായി വിജയന് പറഞ്ഞു. ദേവസ്വം ബോര്ഡും പൊലിസും തമ്മില് തര്ക്കമുണ്ടെന്ന രീതിയില് പ്രചരണമുണ്ട്.
തിരക്ക് ഇപ്പോഴുണ്ടായ അസാധാരണ സാഹചര്യമല്ല. മുമ്പും തിരക്ക് ഉണ്ടായിട്ടുണ്ട്. അന്ന് പൊലിസാണ് അത് പരിഹരിച്ചത്. ആ നിലപാട് ഇപ്പോഴും തുടരണമെന്നും മുഖ്യമന്ത്രി നിര്ദേശിച്ചു.
- ജനവിധി എൽഡിഎഫിന് നൽകുന്നത് കൂടുതൽ ഉത്തരവാദിത്തം, പ്രകടമാകുന്നത് വലിയ മാറ്റമെന്ന് ബിനോയ് വിശ്വം
- ‘തദ്ദേശ തിരഞ്ഞെടുപ്പിൽ എൽഡിഎഫ് സീറ്റ് നില ഉയർത്തി, കല്ലറയിലെ യുഡിഎഫ് വിജയത്തിന് പിന്നിൽ ബിജെപി’
- ‘വി.ഡി. സതീശൻ വിമാന യാത്രയെക്കുറിച്ച് വ്യക്തത വരുത്തണമെന്നാണ് അഭിപ്രായം’; നിലപാട് വ്യക്തമാക്കി കെ. സുധാകരൻ
- മാസപ്പടി കേസ്; ‘ഡയറി മാത്രം തെളിവാക്കി കേസെടുക്കാനാകില്ല’; ഹൈക്കോടതിയിൽ ഹർജിയെ എതിർത്ത് സർക്കാർ
- വീട്ടിലെ വെള്ളത്തൊട്ടിയിൽ വീണ് രണ്ട് കുഞ്ഞുങ്ങൾക്ക് ദാരുണാന്ത്യം
