റഷ്യയില്‍ ഹെലികോപ്റ്റര്‍ അപകടത്തില്‍ 22 പേര്‍ മരിച്ചു. റഷ്യയിലെ കാംചത്ക മേഖലയില്‍ എംഐ-8 ഹെലികോപ്റ്റര്‍ തകര്‍ന്നു വീഴുകയായിരുന്നു.
അപകടത്തില്‍ മരിച്ചവരുടെ മൃതദേഹങ്ങള്‍ കണ്ടെത്തിയതായും, ഫോറന്‍സിക് മെഡിക്കല്‍ പരിശോധനകള്‍ക്കായി അധികൃതര്‍ക്ക് കൈമാറിയതായും കാംചത്ക പ്രാദേശിക സര്‍ക്കാരിലെ മന്ത്രി സെര്‍ജി ലെബെദേവ് അറിയിച്ചു.
വചാകാസെറ്റ്‌സ് അഗ്‌നിപര്‍വ്വതത്തിന് സമീപമായിരുന്നു അപകടമുണ്ടായത്. നിക്കോളേവ്ക ഗ്രാമത്തിലേക്ക് പോവുകയായിരുന്ന ഹെലികോപ്റ്ററാണ് അപകടത്തില്‍പ്പെട്ടത്.
